The New City Church Podcast - Telugu

[Bilingual] Knowing the Power of His Resurrection (Easter Sunday)

[Bilingual] Forgiven & Healed - క్షమించబడుట మరియు స్వస్థపరచబడుట (Good Friday)

మీరు క్షమించబడినవారైతే, మీరు స్వస్థత పొందినవారు కూడా.
ఈ శుభ శుక్రవార స్వస్థతారాధన సందేశంలో, పాస్టర్ బెంజమిన్ కొమానపల్లి జూనియర్ గారు క్షమాపణ మరియు స్వస్థత మధ్య ఉన్న లోతైన సంబంధాన్ని స్పష్టంగా వివరిస్తున్నారు. యేసు ప్రభువు మీ కొరకు శాపముగా ఎందుకు మారాడో, మీకు బదులుగా సిలువపై ఆయన ఏమి భరించాడో మీరిక్కడ తెలుసుకుంటారు.
మహా వైద్యుడైన యేసునకు అసాధ్యం అనేది ఏమీ లేదు. మీ సమస్యపై కాకుండా, ఆయనపై మీ దృష్టిని నిలపండి. అక్కడే మీరు స్వస్థతను మరియు సంపూర్ణతను పొందుతారు. యేసు నామములో, ఆమేన్.

A New Commandment - ఒక కొత్త ఆజ్ఞ

మీరు యేసు క్రీస్తునకు శిష్యులా? అయితే మీరు ప్రేమకు శిష్యులైయుండాలి.
సంబంధాలు అనే అంశాన్ని కొనసాగిస్తూ, పాస్టర్ బెంజమిన్ కొమానపల్లి జూనియర్ గారు మనము క్రీస్తు శిష్యులుగా ఎలా గుర్తింపబడతామో, ప్రేమలో నడవడం ఎందుకు ముఖ్యమో, మరియు కుటుంబంలో, సంఘంలో, జీవితంలోని ప్రతి రంగములో ప్రేమలో నడచుటకు మనం ఉద్దేశపూర్వకంగా తీసుకోవాల్సిన నిర్ణయాలు ఏంటి అనే విషయాలను ఈ సందేశములో మనతో పంచుకుంటున్నారు.
ఈ రోజు నుంచి, మీ జీవితంలోని ప్రతి రంగములో మీరు ప్రేమ, క్షమా గుణము, కనికరము, దయ, యేసు క్రీస్తు మరియు జోయే జీవితమును ఎంచుకొని మీ ద్వారా అనేకులు దేవుని ప్రేమ వైపు ఆకర్షితులవుదురు గాక.

Jesus the Triumphant King - యేసు జయించిన రాజు

యేసు ఎవరు? ఆయన విజయం ఏమి సాధించింది?
ఈ మట్టలాదివార సందేశములో, పాస్టర్ బెంజమిన్ కొమానపల్లి జూనియర్ గారు, యేసు క్రీస్తు ప్రవక్తగా, యాజకునిగా, రాజుగా నిర్వర్తించిన మూడు రకములైన పరిచర్యలను గురించి, ఆయన పూర్తి చేసిన కార్యము యొక్క సంపూర్ణతను గురించి మనకు వెల్లడిస్తున్నారు. మన కొరకు క్రీస్తు ఎలా నిత్య జీవాన్ని అందించుటకు మరియు పాప మరణాల మీద విజయాన్ని మనకై సంపాదించిపెట్టుటకు వచ్చాడో పాస్టర్ గారు వివరిస్తున్నారు. 
తన మరణం ద్వారా, యేసు క్రీస్తు పాపాన్ని తొలగించి, దాని పూర్తి వెలను చెల్లించి, మనలను దేవునితో సమాధానపరచి, ప్రతి శాపము నుండి మనలను విముక్తులను చేసి, అంధకార శక్తులపై విజయాన్ని సాధించాడు. 
ఈ వర్తమానము మీ విశ్వాసాన్ని బలపరచి, క్రీస్తులో మీరిప్పటికే కలిగియున్న విజయములో మిమ్మల్ని స్థిరపరుస్తుంది. 
ఈ వాక్యాన్ని విని, విజేయుడైన యేసు రాజు మన కొరకు సాధించిన విజయములో జీవించండి.

God's Wisdom for Relationships - సంబంధాలు ఎలా కట్టుకోవాలి?

దేవుని ఙ్ఞానానుసారముగా సంబంధాలను కట్టుకోవడమంటే ఏమిటి?ఈ ప్రేరణాత్మకమైన వర్తమానములో పాస్టర్ బెంజమిన్ కొమానపల్లి జూనియర్ గారు లేఖనానుసార సూత్రాల ద్వారా విశ్వాసులు ఆరోగ్యకరమైన మరియు అర్థవంతమైన సంబంధాలను ఎలా కట్టుకోవాలో మనకు బోధిస్తున్నారు. ఇతరులతో మనము సంబంధాలను ఏర్పరచుకునే విషయంలో జ్ఞానం, వివేచన, మరియు దైవిక స్వభావం కలిగియుండుట ఎంత ముఖ్యమో పాస్టర్ గారు వివరంగా తెలియజేస్తున్నారు.
ఈ సందేశము మీరు సంబంధాలను స్పష్టముగా చూడడంలో, మీ హృదయాన్ని కాపాడుకోవడంలో, మరియు దేవుని నుంచి వచ్చే జ్ఞానంలో మీరు నడుచుకొనులాగున మీకు సహాయపడుతుంది.
ఈ వాక్యాన్ని విని, సంబంధాల విషయంలో దేవుడు ఇచ్చే జ్ఞానాన్ని కనుగొనండి.

Are you a Friend of God? - దేవునితో స్నేహం

దేవుడు కేవలం మీ రక్షకునిగా, స్వస్థపరచువానిగా లేదా సమకూర్చువానిగా మాత్రమే ఉండాలని కోరడం లేదు; ఆయన మీ స్నేహితునిగా ఉండాలని కోరుతున్నాడు.
ఈ సందేశములో, పాస్టర్ అర్పిత కొమానపల్లి గారు  దేవునితో స్నేహాన్ని కలిగియుండే మనకున్న అద్భుతమైన ఆధిక్యతను మనకు పరిచయం చేస్తున్నారు. కేవలం దేవుని గురించి తెలుసుకోవడం నుండి ముందుకు సాగి, ఆయనతో నిజంగా ఎలా నడవాలో మనమిక్కడ నేర్చుకుంటాము.
అబ్రాహాము, మోషే, మరియు యోహాను జీవితాల ద్వారా, దేవుని స్నేహితులుగా మారిన వారికి దేవుడు ఎలా స్పందిస్తాడో, అలాగే మీరు కూడా దేవునితో మరింత లోతైన సంబంధంలోనికి ఎలా ఎదగవచ్చో ఈ వర్తమానంలో తెలుసుకుంటారు.
దేవుని స్నేహితునిగా/స్నేహితురాలిగా పిలవబడటం ఎంత గొప్ప ఘనత! మీరు కూడా అలాగే పేరుపొందుదురు గాక. 

The Blessing of Godly Associations - దైవిక సహవాసములో ఉన్న ఆశీర్వాదము

నీవెవరితో అయితే కలిసి నడుస్తావనేది, నీవు చేరుకునే గమ్యాన్ని నిర్ణయిస్తుంది.
 
సహవాసాలపై మనకు జ్ఞానోదయాన్ని కలిగించే ఈ ప్రసంగంలో, పాస్టర్ బెంజమిన్ కొమానపల్లి జూనియర్ గారు, విశ్వాసి జీవితంలో దైవిక సహవాసాల ప్రాముఖ్యత మరియు ప్రభావం గురించి బోధిస్తున్నారు. సరైన సంబంధాలు నీ విశ్వాసాన్ని ఎలా బలోపేతం చేయగలవో, నీ స్వభావాన్ని ఎలా పదును పెట్టగలవో మరియు నీకై దేవునికున్న ఉద్దేశ్యంలో ఎదుగుటకు నిన్ను సరైన స్థితిలో ఎలా నిలపగలవో, వారు వివరిస్తున్నారు.
 
ఈ సందేశం నీ సహవాసాలను అంచనా వేయుటకు, దైవిక సంబంధాలకు విలువనిచ్చుటకు మరియు దేవుని చిత్త ప్రకారంగా నీ జీవితములో ఉండాల్సిన వారితో ఉద్దేశపూర్వకంగా సహవాసము కలిగిండుటకు నిన్ను సవాలు చేస్తుంది.
 
ఈ వాక్యాన్ని విని, దైవిక సహవాసములో ఉన్న ఆశీర్వాదాన్ని స్వీకరించండి. 

Possessing the Promised Land - వాగ్దాన దేశమును స్వతంత్రించుకొనుట

నేడు విశ్వాసిగా వాగ్దాన దేశాన్ని స్వతంత్రించుకొనుట అంటే ఏమిటి?
న్యూ సిటీ సంఘ 9వ వార్షికోత్సవాన, పాస్టర్ బెంజమిన్ కొమానపల్లి జూనియర్ గారు బోధించిన జీవితాలను మార్చే ఈ సందేశములో, ‘వాగ్దాన దేశము’ అనేది ఒక భౌతిక స్థలం కంటే మించినదని, అది క్రీస్తులో దేవుని వాగ్దానాల పరిపూర్ణతను సూచిస్తుందని వారు మనకు వెల్లడిస్తున్నారు. విశ్వాసులు వాగ్దానాలను కేవలము తెలుసుకొనుట నుండి విశ్వాసముతో వాటిలో చురుకుగా నడచుటకు ఎలా చేరగలరో పాస్టర్ గారు వివరిస్తున్నారు.
ఈ వర్తమానము మీ విశ్వాసాన్ని పురికొల్పి, భయాన్ని, పరిమితులను సవాలు చేసి, దేవుడు మీకిది వరకే సిద్ధపరచిన వాటన్నిటిలోనికి ధైర్యంగా అడుగు పెట్టుటకు మిమ్ములను ప్రోత్సహిస్తుంది. 
ఈ వాక్యాన్ని విని, క్రీస్తులో ఇది వరకే మీవైయున్న వాటిని స్వాధీనపరచుకొనుట ఇక మొదలుపెట్టండి.

Overcoming Mental Attacks - మానసిక దాడులను జయించుట

ఆందోళన, నిరాశ, గుర్తింపు సంక్షోభం, ఆత్మన్యూనతాభావం, రెండు వ్యతిరేక వ్యక్తిత్వాలు కలిగియుండే రుగ్మత, ఆత్మహత్య ధోరణులు, విషాద ఘటనానంతరం కలిగే మానసిక ఒత్తిడి, ధ్యాన లోపము మరియు అతి చురుకుదనము అనే రుగ్మత - శతృవును గుర్తించి, దానిపై గురి పెట్టండి. దేవుడు తన సైనికులైన క్రైస్తవులు మంచి మనస్సు మరియు ఆధిపత్యమున్న స్థానం కలిగియుండాలని కోరుకుంటున్నాడు.
'మానసిక దాడులను జయించుట' అనే ఈ వర్తమానములో, పాస్టర్ బెంజమిన్ కొమానపల్లి జూనియర్ గారు క్రైస్తవులకొక యుద్ధ ప్రణాళికను వెల్లడిస్తున్నారు: మానసిక సమస్యలు దయ్యముల యొక్క దాడులు, అవి ఒక రకమైన బంధకాలు; క్రైస్తవులుగా, క్రీస్తు మనస్సు అనే భారీ యుద్ధ సామాగ్రిని రంగంలోకి దింపాల్సిన సమయం ఆసన్నమైంది. మానసిక యుద్ధంలో ముఖ్యమైన రెండు కీలక అంశాలను తెలుసుకొని గెలుచుటకు సిద్ధ పడండి.
మీ ఆయుధాన్ని పక్కన పెట్టకండి! మీ చింతను దేవునిపై వేసి, ముందుకు సాగి శతృవుపై ఎదురుదాడి చేయండి! దేవుని వాక్యంపై మీ దృష్టిని నిలిపి, శతృవు పట్టు నుండి విముక్తులుకండి! సైనికులారా, మీరు జయించినవారు!

Waiting Without Answers - ప్రార్థనకు జవాబు రానప్పుడు

వేచి ఉండటం భారంగా అనిపిస్తున్నదా? జవాబు ఆలస్యమైందని నిరుత్సాహంగా ఉన్నారా? ఈ సందేశం మీకు ధైర్యం ఇస్తుంది.
‘ప్రార్థనకు జవాబు రానప్పుడు’ అనే ఈ సందేశంలో పాస్టర్ అర్పిత కొమానపల్లి గారు, వేచిచూస్తున్న సమయంలో కూడా దేవుడు మనలోను మన చుట్టూను పనిచేస్తున్నాడని తెలియజేస్తారు. 
యోసేపు, ఎలిజబెత్ మరియు ఇతరుల జీవితాల ద్వారా ఓర్పు మరియు విశ్వాసాన్ని నేర్పుతారు.
“ఎంతకాలం ప్రభువా?” అన్నది “వందనాలు ప్రభువా!”గా మారినప్పుడు సాక్షం లో నడువగలుగుతాం.